Англис тили – эл аралык баарлашуунун тили

Бишкек  шаарынын Свердлов районуна караштуу №87  орто мектебинде  2021-жылдын 8- февралынан 13-февралга чейин Кыргыз Республикасынын «Билим берүү жөнүндө» мыйзамына ылайык жана окуучуларды англис тилине болгон кызыгуусун арттыруу  жана билим сапатын жогорулатуу максатындагы буйруктун негизинде « Англис тили – эл аралык баарлашуунун тили» аттуу жумалык болуп өттү.

Жумалыктын максаты– англис тилин билүү менен Кыргызстанды башка элдерге таанытуу, дүйнө өлкөлөрүндө баарлашуунун эл аралык тили экенин окуучуларга түшүндүрүү. Жумалыктын  планы түзүлүп, мөөнөтү белгиленип бекитилип илинди. Жумалыкта жылдагыдан айырмаланып окуучулар дүйнөлүк пандемияга байланыштуу онлайн жана оффлайн  конкурстар, көргөзмөлөр, ачык сабактар жана көптөгөн иш чаралар өттү.

« Англис тили – эл аралык баарлашуунун тилин сүрөт аркылуу чагылдыруу» деген темада  «Мыкты дубал газета» конкурсу жарыяланды. Конкурска көптөгөн окуучулар катышып, темага ылайыктуу кызыктуу дубал газеталарды чыгарышты. Эң мыктылары жумалыктын жабылышында илинди жана жабылышында  грамоталар менен сыйланышты. Жумалыкта  3-5-класстарга «мыкты ырлар» конкурсу жарыяланган.  Конкурста англис тилинде ырларды онлайн жана оффлайн  жатташып, мыктылары жумалыктын жабылышында аткарып беришти.

6-класстарга англис тилине кызыктыруу максатында, англис тилинде       мыкты жанылмач» айтуу онлайн  конкурсу жарыяланган. Бул конкурска көптөгөн окуучулар онлайн форматында видео аркылуу катышып,  эң  мыктылары  тандалып алынды.   6-а жана 6-б-класстын окуучулары абдан кызыгып, активдүү катышышты.

7-класстарга онлайн форматында «мыкты жомок»айтып берүү конкурсу жарыяланып,окуучулар видео аркылуу кетирип жатышты эң мыкты жомок айткандар тандалып алынды.

9-класстардын окуучуларына англис тили боюнча окуучулар арасында этиштердин (туура жана туура эмес) формасын айтуу боюнча конкурс жарыяланып 1-орунду 9-д классынын окуучусу Казипова Жылдыз, 2-орунду ошол эле класстын окуучусу Бабаева Нуриза ал эми 3-орунду 9-в классынын окуучусу Джолдошбекова Сымбат алды.

10-класстар аралыктан окуп жаткандыгына байланыштуу «көркөм окуу» конкурсу жарыяланып,эң мыктылары конкурстун жеңүүчүлөрү болушту.

Англис тилинде эссе жазуу боюнча конкурсу жарыяланган. Конкурска көптөгөн окуучулар катышып, эӊ жакшы жазган окуучулар жумалыктын   жабылышында  мектептин грамоталары менен  сыйланышты.

Жумалык жыйынтыкталып кырдаалга байланыштуу кече уюштурулган жок жана аралыкты сактоо аркылуу  жумалыкта жарыяланган конкурстардын жыйынтыктары чыгарылып, конкурска активдүү катышкандар  мактоо  баракчалары  менен сыйланышты.