Жол эрежесин билип жүр!

Урматтуу балдар!

Жол эрежелерин билүү жана аларды сактоо биздин өмүрүбүздүн, ден-соолугубуздун коопсуздугу үчүн керек!

Жалгыз аяк жол– бул түз эмес, машиналар бара албаган жерлерде, адамдар басып жүрүүчү жол.

Тротуар – бул чон шаарларда же трассалардын жанында жөө адамдар жүрө турган жол.

Трасса – бул автомашиналар үчүн, атайын даярдалган, үстүнө асфальт төшөлгөн жер тилкеси.

Темир жол – бул поезддер жана трамвайлар үчүн жасалган жол.

Аба жолдору – самолеттор жана вертолеттор үчүн жол.

Жер астындагы жана жер үстүндөгү машиналар көп кесилиштерден өтүү үчүн жөө адамдарга жасалган жол.

1. Жөө адамдар тротуарлар менен гана жүрүшү керек. Алдынан чыккан адамга жолтоо болбоо үчүн, дайыма тротуардын оң жак чети менен басуу керек.
2. Шаардын сыртындагы жол менен жүргөндө, келе жаткан автомобилди өз убагында көрүп, ага жол бер.
3. Эгерде сен айыл жеринде жашасаң, машиналар көп өтүүчү жерлерден өтө сак бол.
4. Эгерде автобустан же машинадан тушсөң, жөө адамдар өтүүчү өткөөлдөргө барып өтүү керек.
5. Эгерде өткөөлдөр жок айыл жеринде болсо, арт жагынан же өтүп кеткенден кийин гана өтүү керек.
6. Көчөлөрдүн кесилиши – жөө адамдар үчүн өтө коркунучтуу жер. Ал жерлерден жөө адамдар өтүүчү өткөөл аркылуу өтүү керек.
7. Ал жерлерде «зебра» деп аталып, белгиленген өткөөлдөр бар.
8. Жолдон өтүү үчүн адегенде солду кара, эгер жакындап келе жаткан машина жок болсо, өтсөң болот.
9. Жолдун ортосуна жеткенде, оңду кара, эгер машина болсо, токтоп тур, ага жол бер
10. Көчөдөн өтүп жатканда светофорго көңүл бур!